స్వర్గం-నరకం

"" నాన్నా.! నేను ఒక అబ్బాయిని ప్రేమించాను.. పెళ్ళంటూ చేసుకుంటే అతన్నే చేసుకుంటాను..""

""సరేలేమ్మా..! ఇంతకీ అబ్బాయి మంచివాడేనా..?""

""చాలా మంచివాడు నాన్నా.. జాబ్ కూడా ఉంది.., కానీ పరమ నాస్తికుడు నాన్నా.. దేవుడు-దెయ్యం., స్వర్గం-నరకం ఇవేవీ లేవంటాడు.."'

""పర్లేదు.. పెళ్ళికి ముందు చాలామంది అబ్బాయిలు అలాగే ఉంటారు.. పెళ్ళయ్యాక నెమ్మదిగా వాళ్ళే తెలుసుకుంటారు..""

ఇతనే..!

మంత్రిగారు పిచ్చాసుపత్రిలో కొత్త వార్డు ప్రారంభోత్సవానికి వెళ్ళారు...
ప్రారంభోత్సవం అయ్యాక డాక్టరు గారు అక్కడి రోగుల గురించి చెప్తున్నారు..

ఒక గదిలో పేషెంట్ ప్రశాంతంగా ఒక బొమ్మను పడుకోబెట్టుకుని దానికి సపర్యలు చెస్తున్నాడు..

డాక్టర్:: ""ఇతను ఒక అమ్మాయిని ప్రాణప్రదంగా ప్రేమించాడు.. కానీ ఆ అమ్మాయి వేరే అబ్బాయిని పెళ్ళి చేసుకుని వెళ్ళిపోయింది .. దానితో ఇతను ఇలా పిచ్చివాడు అయిపోయాడు.. ఆ బొమ్మని ఆ అమ్మాయి అనుకొని సేవలు చేస్తుంటాడు..""

వేరే గదిలో ఇంకో పిచ్చివాడు గట్టి గట్టిగా అరుస్తూ., చేతికి దొరికిందల్లా విసిరేస్తూ., చొక్కా చింపేసుకుని., జుట్టు పీకేసుకుంటూ చిందులు వేస్తున్నాడు..

డాక్టర్:: ""పాపం.! ఇందాక చెప్పిన అమ్మాయిని పెళ్ళి చేసుకుంది ఇతనే..!""

ఏక్ నిరంజన్

తెలంగాణా విద్యార్ధుల కోసం ఏక్ నిరంజన్ టైటిల్ సాంగ్...

పెన్నూ లేదు, పేపర్ లేదు..,
పేపర్ మీద పెన్ను పెట్టే పనీ లేదు..,
జై కే.సి.ఆర్.
ఎక్జాం లేదు., కాలేజ్ లేదు.,
కాలేజ్ వెళ్ళి ఎక్జాం రాసే పనీ లేదు..,
జై కే.సి.ఆర్....

నిజమైన భర్త

రాజు గారి దగ్గరకు ఇద్దరు వ్యక్తులు ఒక అమ్మాయిని తీసుకుని వచ్చి., ఈమె నా భార్య అంటె నా భార్య అని
వాదించసాగారు..

రాజుగారికి వారిరువురిలో ఒకడు భర్త, మరొకడు ప్రియుడు అని అర్ధమైంది.. కాని వారిద్దరిలో ఎవరు భర్త అనేది తేలడం లేదు..

రాజుగారికి ఒక బిడ్డ, ఇద్దరు తల్లుల విషయంలో వారి తాత గారి తీర్పు గుర్తుకు వచ్చింది.. వెంటనే కత్తితో ఆమెని రెండు సగ భాగాలుగా నరికి చెరి ఒక భాగం పంచమని తీర్పు చెప్పారు.

మొదటివ్యక్తి:: నాకు అభ్యంతరం లేదు.. అలాగే చేయండి..

రెండవవ్యక్తి:: వద్దు వద్దు., ఆమెను ఏమీ చేయకండి., అతనికే ఇచ్చేయండి..

రాజుగారు (మీసం మెలేస్తూ) :: మొదటివ్యక్తే ఆమె నిజమైన భర్త.. ఆమెను అతనికే ఇచ్చి పంపండి.. అమ్మాయికి ఏదైనా జరిగితే తట్టుకోలేని వాడు ప్రియుడు కాగలడు కాని భర్త కాజాలడు..

ఈ కుక్కే

సుబ్బారావు ఆఫీసుకి ఒక రోజు అనుకోకుండా సెలవు వచ్చేసరికి కారులో షికారుకి బయలుదేరాడు..
దారిలో ఒక శ్మశానం దగ్గర చాలా పెద్ద క్యూ ఉండేసరికి ఆసక్తిగా లోపలికి వెళ్ళాడు..
అక్కడ రెండు సమాధులు కడుతున్నారు.. ఒకాయన తాపీగా సిగరెట్టు కాల్చుకుంటు తన కుక్కను ప్రేమగా నిమురుతున్నాడు..

సుబ్బారావు (ఆసక్తిగా) :: "ఈ సమాధి ఎవరిదండి.?"

అతడు:: "నా భార్యది..నా మీద అరిచిందని నా ఈ పెంపుడు కుక్క ఆవిడని కొరికి చంపేసింది.."

సుబ్బారావు:: "మరి ఈ రెండో సమాధి ఎవరిదండి.?"

అతడు:: "ఓ అదా..! మా అత్తగారిది.! ఆవిడని కూడా ఈ కుక్కే కొరికి చంపేసింది.."

సుబ్బారావుకి ఆ కుక్క మీద ఎక్కడాలేని ప్రేమ పుట్టుకొచ్చేసింది..

"సార్ సార్..! ఈ కుక్కని నాతో ఒక్క వారం రోజులు పంపగలరా..?" చాలా ఆశగా అడిగాడు సుబ్బారావు..

అతడు:: "సరే సరే.. మీ నెంబర్ 177.. వెళ్ళి ఆ లైన్లో చివరన నుంచోండి.. మీ పేరు, అడ్రెస్ చెబుదురు గాని.."


..................

తెలిసొచ్చింది..

రమేష్., సురేష్ ఇద్దరు బార్ లో కూర్చుని కబుర్లు చెప్పుకుంటున్నారు..

రమేష్:: నామొదటి భార్య చాలా ఉత్తమురాలు., నెమ్మదస్తురాలు.. ఈ ప్రపంచం లోనే అత్యంత శాంతస్వభావురాలు..

సురేష్:: అదేంటి మరి., తను పరమ గయ్యాళి అనే కదా విడాకులు ఇచ్చేసి రెండో పెళ్ళి చేసుకున్నావు.?

రమేష్:: ప్చ్.. ఆ విషయం రెండో పెళ్ళి చేసుకున్నాకే తెలిసొచ్చింది..

...

నాయకుడు

ఒక ప్రముఖ రాజకీయ నాయకుని భార్య చనిపోయి నరకానికి వెళ్ళింది... అక్కడ ఎటువైపు చూసినా కొన్ని వేల గడియారాలు వేళ్ళాడదీయబడి ఉన్నాయి.. ఆమె నేరుగ యమధర్మరాజునే కలిసి అడిగింది..

రాజకీయనాయకుని భార్య:: "స్వామీ..! ఇన్ని గడియారాలు ఎందుకు..? సమయం చూడడానికి ఒకటి సరిపోతుంది కదా.."

యముడు ఆమెకు సందేహ నివృత్తి చెయాలని., "అమ్మా..! అవి గడియారాలు కావు.. అవి భూమిపైన మానవుడు చెప్పే ప్రతీ అసత్యానికి ఒక అంకె చొప్పున తిరుగుతూ ఉంటాయి.."

రాజకీయనాయకుని భార్య:: "మరైతే ఇక్కడ ఒక గడియారం ఒక అంకె తిరిగి ఆగిపొయింది., మరొకటి అసలు తిరగటం లేదు.. "

యముడు:: "చూడమ్మా.. మొదటిది ఒక సంఘసంస్కర్తది. అతను ఒకేఒక సారి అసత్యం పలికాడు. అందువల్ల అతని గడియారం ఒక అంకె తిరిగి ఆగిపోయింది.. రెండవది ఒక సన్యాసిది. అతను అసత్యమే పలుకడు కాబట్టి అది అలా తిరగడం లేదు.. "

రాజకీయనాయకుని భార్య:: "మరైతే నా భర్త గడియారం ఎక్కడ ఉన్నది స్వామీ.?

యముడు:: "అది నా బెడ్ రూం లో ఉన్నది.. ప్రస్తుతం నేను దానిని సీలింగ్ ఫ్యాన్ గా వాడుకుంటున్నాను.."

...

అసలు రహస్యం

70 సంవత్సరాల వయసున్న ఒక పారిశ్రామికవేత్తను ఇంటర్వ్యూ చేస్తూ ఓ విలేఖరి..

విలేఖరి:: "మీరు ఈ వయసులో కూడా ఇంత ఉల్లాసంగా., ఉత్సాహంగా., హుషారుగా ఉండడానికి కారణం ఏమిటో చెపుతారా..?"

పారిశ్రామికవేత్త:: "నా భార్య..!"

విలేఖరి (ఆశ్చర్యంగా) :: "కానీ ఆవిడ చాలాకాలం క్రితమే చనిపోయిందని విన్నానే..!"

పారిశ్రామికవేత్త:: "అవును.. అదే అసలు కారణం.."

...

అదే కదా బాధ..!

డాక్టర్:: మీకు నిద్ర బాగా పట్టాలంటే మీ భయాలు, ఆందోళనలు, చిరాకులు, కోపాలు అన్నీ మీ పడగ్గది బయటే వదిలేయండి.. ఈ మాత్రం దానికి మందులు ఏమీ అవసరం లేదు..

అప్పారావు:: సారీ డాక్టర్ గారు.. మా ఆవిడ తను బయట పడుకునేందుకు ఒప్పుకోదు ...




..

లక్షాధికారి..

రాణి, గీత వుమన్స్ హాస్టల్ నుండి ఆఫీసుకు బయలుదేరారు..
దారిలో ఒక బిక్షగాడు ఎదురై పరమ దీనంగా అడుక్కోవడం మొదలుపెట్టాడు..
బిక్షగాడు ( దీనంగా ):: అమ్మా.. తల్లీ.. భోజనం చేసి నాలుగు రోజులు అయ్యింది.. ఒక్క రూపాయి ధర్మం చేయండి.. పుణ్యం ఉంటుంది...

వెంటనే గీత పర్స్ లో నుండి ఒక వంద రూపాయల నోటు తీసి అతడికి ఇచ్చింది..

( అతను వెళ్ళిపోయాక... )

రాణి:: నువ్వు ఎంత గొప్పదానివి గీతా.. అడుక్కునే వాడికి వంద రూపాయలు దానం చేసావు అంటే నువ్వు చాలా గొప్ప దాతవి..

గీత:: నువ్వు మరీ అంతగా పొగడకు.. అతను నా పాత బాయ్ ఫ్రెండే.. అంతకు ముందు అతను లక్షాధికారి.. నాకోసం చాలా చాలా ఖర్చు పెట్టేవాడు తెలుసా.... ఆఖరికి ఇలా అయిపోయాడు..




...

చక్కని పాట

సుబ్బారావు కొత్తగా విడుదల అయిన తన అభిమాన నటుడి సినిమాకు వెళ్ళాడు..
అతి కష్టం మీద చొక్కా నలిగినా, జుట్టు చెదిరినా టిక్కెట్ మాత్రం సంపాదించాడు..
తీరా హాల్లో కూర్చోగానే కడుపులో ఒకటే గుడ గుడ.. బరువు దించుకుని ప్రశాంతంగా సినిమా చూడాలని ఆ హల్లో ఉన్న ఏకైక బాత్రూంకి వెళ్ళాడు.. కాని అప్పటికే లోపల ఎవరో ఉండేసరికి సినిమా ఎలాగైనా మొదటినుండి చూడాలని ఒక ప్రక్క కంగారు., మరో ప్రక్క కడుపులో గుడ గుడతో లోపల ఉన్న వాడిని త్వరగా బయటకు రమ్మని ఒక చక్కని సినిమా పాట అందుకున్నాడు..
సుబ్బారావు:: రావోయి చందమామా..! మా వింత గాధ వినుమా.. రావోయి చందమామా..! రావోయి చందమామా..!

(లోపల ఉన్న వాడికి విషయం అర్ధం అయ్యింది.. తనూ ఒక పాట అందుకున్నాడు.. )

లోపలి వ్యక్తి:: స్... ఆగవోయి భారతీయుడా..! ఆగి పాడవోయి విజయ గీతికా...! ఆగవోయి భారతీయుడా..!

సుబ్బారావు (కోపంగా):: ఆగదూ.. ఆగదూ..! ఆగదు ఏ నిముషము నీ కోసమూ.. ఆగితే సాగదు ఈ లోకమూ.. ముందుకు సాగదు ఈ లోకమూ..!

లోపలి వ్యక్తి (శాంతంగా):: కృషి ఉంటే మనుషులు ఋషులౌతారు..! మహా పురుషులవుతారు.. తరతరాలకు చెరగని గురుతు అవుతారు... ఇలవేలుపులు అవుతారు...

సుబ్బారావు:: ???

అసలు విషయం

కిషోర్ ఆత్మహత్య చేసుకోవడానికి కొండ అంచుకు చేరుకున్నాడు.....
ఇది చూసిన దేవుడు తన భక్తుడిని కాపాడుకోవాలని ఒక్కసారిగా ప్రత్యక్షం అయ్యాడు...
దేవుడు:: ఆగు నాయనా..! ఎందుకు చనిపోవాలని అనుకుంటున్నావు..?
కిషోర్:: స్వామీ..! నేను ఎన్నో తప్పులు, మరెన్నో పాపాలు, ఇంకెన్నో నేరాలు చేసాను.. ఆ పశ్చాతాపం తట్టుకోలేక ఆత్మహత్య చేసుకుంటున్నాను..
దేవుడు:: ఆవేశపడకు నాయనా.. దీనికి ఏదో ఒక పరిష్కారం చూద్దాం..
కిషోర్:: దీనికి ఒక్కటే పరిష్కారం స్వామీ..! నాకు ప్రాయశ్చిత్తం కావాలి.. అందుకు నాకు కష్టాలు కావాలి., కన్నీళ్ళు రావాలి.. బాధలతో నా జీవితంపై నాకే అసహ్యం వేయాలి.. నా జీవితం సర్వనాశనం అయ్యిందని నాలో నేనే కుళ్ళి కుళ్ళి ఏడవాలి.......
దేవుడు (చిరాగ్గా) :: ఏం నాయనా..! నీకు పెళ్ళి కావాలని ఒక్క ముక్కలో ఏడవ్వచ్చు కదా...!!!

సాయి బాబా